Michaelis-Menten, a estraña parella

Os estudantes de bioloxía de 2º bacharelato saben que nunha reacción encimática cunha concentración de encima constante, se se incrementa a concentración do substrato prodúcese un aumento da velocidade de reacción. Ao haber máis moléculas de substrato por unidade de volume, auméntase a probabilidade de encontro entre o substrato e o encima.

Se se continúa aumentando a concentración do substrato, chégase a un punto en que a velocidade de reacción  é máxima. Esta situación, denominada saturación da encima, débese a que todas as moléculas da encima xa están ocupadas por moléculas de substrato e fórmase o complexo encima-substrato.

A partir deste comportamento encimático,  unha muller, Maude Menten e un home negro, Leonor Michaelis, definiron a constante de Michaelis-Menten (KM) como a concentración do substrato á cal a velocidade de reacción é a metade da velocidade máxima.

Que fixo posible, a fins do século XIX e principios do XX, o traballo desta parella á que debemos un modelo de cinética encimática que segue a utilizarse hoxe na bioquímica?

Maude Menten estudou medicina na Universidade de Toronto e en 1911 converteuse na primeira muller canadense en obter un doutoramento. Sen embargo e pesia a súa valía, o feito de ser muller e científica fíxoa  emigrar primeiro ao Instituto Rockefeller en  EEUU e despois a Europa. E foi na Universidade de Berlín onde, en 1912, coñeceu a Leonor  Michaelis  un prestixioso profesor de bioquímica alemán. Da súa colaboración durante ese ano, naceu a ecuación de Michaelis-Menten, o que lles proporcionou fama internacional.

De volta a EEUU Maude Menten continuou a traballar  en temas médicos e bioquímicos como  a diabete, a hemoglobina, as funcións dos riles, a electroforese das proteínas,  a relación do cloro coas fibras nervosas e o cancro.  Todos estes méritos fixeron que lograse o seu soño, unha praza definitiva de profesora, aos 79 anos.

Ecuación de Michaelis-Menten

Para saber máis, SCIENTIA

Esta entrada foi publicada en 1. Ciencia e sociedade, 1. Mulleres e ciencia, 1. O traballo científico e etiquetada , , , . Garda o enlace permanente.

One Response to Michaelis-Menten, a estraña parella

  1. Pingback: jesse

Deixa unha resposta