Trinta anos de SIDA

                       

O sida (síndrome de inmunodeficiencia adquirida), enfermidade que hoxe en día padecen arredor de 33 millóns de persoas, aínda non ten cura. Só existen métodos para retardar os seus efectos.  Debido á inmunodeficiencia o organismo non é capaz de ofrecer unha resposta contra as infeccións.

A “era do sida” deu comezo oficialmente o 5 de xunio de 1981. O Centro para o Control e Prevención de Enfermidades de Estados Unidos, convocou unha conferencia de prensa onde describiron enfermos con  neumonía e con  sarcoma de Kaposi, un tipo de cancro de pel. Pese a que os médicos coñecían tanto a neumonia como o sarcoma, a aparición de ámbalas dúas en varios pacientes chamoulles a atención. A maioría destes enfermos eran homes homosexuais, moitos dos cales tamén sufrían de outras enfermidades crónicas que máis tarde foron identificadas como infeccións oportunistas. As probas sanguíneas que se lles fixeron a estos pacientes mostraron que carecían do número adecuado dun tipo de células sanguíneas chamadas T CD4+. A maioría destes homes morreron en poucos meses.  Co paso do tempo heroinómanos, hemofílicos, e receptores de transfusións sanguíneas foron presentando os mesmos síntomas.

A teoría máis recoñecida actualmente, sostén que o VIH (Viru da inmunodeficiencia humana) provén dun virus chamado «virus de inmunodeficiencia en simios» (SIV, en inglés), o cal é similar a o VIH e causa síntomas similares a o sida noutros primates.

Onde se atopa o VIH? Como se pode transmitir o virus? Como saber se  tes a  infección? E o mesmo ter sida que ser sero +? Que problemas teñen os enfermos?

Autora: Karina Espiñeira

Esta entrada foi publicada en 3. Enfermidades infecciosas, 3. Saúde e calidade de vida e etiquetada , , , , . Garda o enlace permanente.