Reno, é o nome común dun cervo orixinario da tundra e dos bosques abertos de Finlandia. Apreciado dende hai tempo pola súa carne, leite e pel é ademáis moi forte, resistente e rápido tirando dun trineo. Quen imaxinaría ó Pai Noël sen os seus renos?
Pero a realidade de Rudolph, é ben distinta. Unha investigación da WSPA (World Society for the Protection of Animals), revela que estes animais son sometidos a un inmenso sufrimento durante toda a cadea do longo proceso industrial. Nos camións que os transportan ao matadoiro é frecuente, que cos cornos, mutilen as orellas uns a outros, ou que se golpeen estes ata a súa rotura. As feridas sangran durante horas. Cando os sacrifican utilízanse coitelos cos que lles cortan o pescozo e pistolas de parafusos apuntandolles na fronte. Ainda que estas técnicas son contrarias á lei, fixádevos nas tristes imaxes deste video.
Pensades que sabemos realmente o que estamos a facer cos animais que son parte da nosa cultura? Pensades que só existe este caso?
Autora: Aida Rodríguez