Durmir menos de seis horas pode ter graves consecuencias para a saúde e aumenta o risco de morte temperán segundo un estudo levado a cabo por científicos británicos.
Impresionante o dato de que os que dormen menos de seis horas teñen un 12% máis de posibilidades de morrer nun prazo de 25 anos que os que dormen entre 6 e 8 horas pola noite segundo ese estudo.
Pero non pensedes que por durmir máis tamén viviredes máis, isto tamén pode ter consecuencias malas xa que os científicos atoparon relación entre as mortes temperáns e durmir máis de 9 horas, aínda que isto non desencadea enfermidades.
Segundo os especialistas o ideal sería durmir entre 6 e 8 horas ao día.
Outro dato impresionante é que máis de 6,3 millóns de mortes son atribuídas á falta de sono entre os maiores de 16 anos en Reino Unido.
O Centro de Investigación do Sono afirma que durmir é sinónimo de boa saúde física e mental, xa que o sono vese afectado por todo tipo de enfermidades, incluída a depresión.
Autor: Pablo Rodríguez