Fotosíntese animal?

imagen

A enerxía solar é unha das enerxías renovables das que dispón o ser humano na procura dun modo limpo e fácil de obter enerxía. Parece que esta idea non só a pensou o home senón tamén a babosa de mar (Elysia chlorotica) a cal produce clorofila. Explícome, a base alimentícia deste invertebrado céntrase nas algas, especialmente na Vaucheria lirorea, das cales obtén os xenes que provocan a producción da clorofila. Mediante este proceso convértese no primeiro animal multicelular capaz de producir clorofila.

 

Os estudos realizados polo biólogo Sidney Pierce da Universidad de South Florida demostran que as babosas poden xerar enerxía sen a necesidade de comer nada porque aparte de quitarlle ás algas os xenes para a produción da clorofila tamén obteñen cloroplastos os cales utiliza para realizar a fotosíntese e así transformar a luz en enerxía.

 

O biólogo, tras 20 anos dedicados a descubrir o funcionamento deste curioso molusco, di que mentres lles de a luz durante 12 horas ao día poden sobrevivir sen inxerir alimentos.

 

Investigadores demostraron por medio dun marcador radiactivo que as babosas producen por si mesmas a clorofila e non só a “rouban” das algas. Descubriron que a incorporación do material xenético é tan bo que este pasa ás seguintes xeracións as cales conservan a capacidade de producir a súa propia clorofila pero coa necesidade de inxerir as suficientes algas para obter os cloroplastos e así levar a cabo a fotosíntese.

 

Entereime de este animal por un documental e pareceume incríbel. Pensei que se eles lograron nós porque non? Chegaremos a ser fotosintéticos algún día? Sería realmente interesante.

Se queredes saber sobre o proceso con máis detalle clicade aquí.

Autora: Lizeth Vianchá

Esta entrada foi publicada en 4. Biodiversidade e etiquetada , , , . Garda o enlace permanente.